,.. حظ قلبي فيكـ يشبه .. حظ نورة ..,

ـالهنوفـ · 02-21-2007, 06:22 PM

حنّ قلبي ..

حنّ قلبي ..

عاند عناده ..

وجاه ..

شايل الشوق بـ بيمينه

والعتبْ بـ اقصى حشاه ..

يوم سلمّ .. ضاع منـّي ..

تاه في زحمة لقاه ..

سلمّ أشواقه بسهوله ..

يسأله .. يطلب رضاه ..

كيفها أيامك حبيبي ..

كيفها الدنيا معاك ..

بعدها حلوه حياتك ..

بعدها تمشي بهواك ..!

كيفها باقي أمورك ..

يانا مشتاقه لحضورك ..

بين عيني ويّا رمشي ..

مثل أول ..

مثل أول ..

سكه نرسمها .. ونمشي ..

يوم كان أسمي " الحظيظه " *

وكان حظي فيك .. يشبه

حظ سلطان بـ قصوره ..

معتلي عرشه ويامر ..

وقبل ما ينطق بـ أمره ..

الأمر .. يسبق وصوله ..

حظ قلبي فيك يشبه ..

حظ نورة في الحياة ..

يوم كان الكل .. نوره ..

السعاده ..

والمحبة ..

هيّه نوره ..

من بدايات الصباح

لأخر اشعاعة ونوره ..

وكل مساحات الأمل ..

تعني نوره ..

تعني نوره ..

كانت الأنثى الوحيده ..

في مجرات البشر ..

صوره .. ماتشبهها صوره

إن بغت شمس المدينه ..

نامت الشمس ابـ حظنها

وإن بغت ليل السهارى ..

أختفى منـّه .. القمر ..

لجل نوره ..

لجل نوره ..

لجل هي تاخذ مكانه ..

وتاخذ العمر وزمانه ..

وتصبح الأيام ..

.. نوره ..

هذا حظي قبل تسرقنا الليالي ..

قبل تسرق ..

حب ابعد من خيالك ..

أو خيالي ....

قبل تسرق ..

حلم ضميته ابـ ضلوعي ..

قصه أرسمها .. في بالي ..

هذا حظي فيك .. خنته ..

وبـ تراب الوقت بعته ..!!

وصرت قاسي ..

صار قلبك ..

أقسى من قلب الحجر ..

وانتهت ذيك الليالي ..

وانتهى طِيب الأماني ..

في رجوعي ..

في رجوعي ..

بس جيتك ..!!

والله جيتك ..

هزّني القلب وحنينه ..

وعاند عناده .. وجاك ..

شايل الشوق ابـ بيمينه ..

والعتب .. باقصى حشاه ..

وجاك ينشد ..

ياحبيبي ..

وينها ذيك الـ " حظيظه " ..

وين نوره ..

وين نوره ......!!

,

,

,

إضاءة حرف ..

الحظيظة .. الفتاة كثيرة الحظ

نورة .. كناية عن أيام السعادة

[media]http://www.movn.net/Media/69.mid[/media]

,

,

لَيَـــــــانْــ · 02-21-2007, 07:23 PM

؛؛

أنا عندي حنين ما بعرف لمين
ليليي بيخطفني من بين السهرانين
بيصير يمشيني لبعيد يوديني
تا أعرف لمين و ما بعرف لمين
عديت الأسامي و محيت الأسامي و نامي يا عينيي إذا راح فيكي تنامي
و بعدو هالحنين من خلف الحنين الحنين بالدمع يغرقني و بأسامي المنسيين
تا أعرف لمين و ما بعرف لمين
أنا خوفي يا حبي لتكون بعدك حبي و متهيألي نسيتك و أنتا مخبى بقلبي
و بتودي الحنين ليليي الحنين يشلحني بالمنفى بعيونك الحلوين
تا أعرف لمين و ما بعرف لمين

؛؛
؛

الهنون لا أعلم كتابتك هذه ذكرتني بأغنية فيروز

شكرا لكِ
0

فارس الخبر · 02-21-2007, 08:00 PM

shkshk روعه العنوف بالخواطر a:::

قلم رائع

ومبدع

بنوته توته · 02-21-2007, 09:25 PM

تسلمين يالغلا على هالكلمات الحلوه

ملاك المشاعر · 02-21-2007, 10:42 PM

هذا شوقك يالهنوف

دايم يتعدى حدودك

دايم يعاند عنادك

دايم تهدين قسوة بعاده حنانك

ـالهنوفـ

رائعة انتي أينما حللتي

دمتي متألقة في سماء الخواطر

دمتي كماتشتهين,,, في قلبه هو

إلى الملتقى

مشـاري · 02-22-2007, 01:02 AM

كلمات رائعه

احساس مبدعه

وقلب يترجم مابداخله

رائعه تلك الاحرف التي نثرتي عبيرها هنا

مشــــــــــاري

ـالهنوفـ · 02-22-2007, 01:06 AM

.. الصغيرة ..

جميل أن تداعب كلماتي ذكرى الفيروز في خيالكِ ..

والأجمل .. أن تصل كلماتي لهذا المستوى من الرقي ..

,

,

لكِ طوق ياسمين ..,,

ـالهنوفـ · 02-22-2007, 01:14 AM

.. فارس الخبر ..

اشكرك على مرورك العذب ..

,

ارق تحية ..,,

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)